Qashqadaryo viloyati prokurori o‘rinbosari S.Fayziyev Yakkabog‘ tumanida tibbiyot sohasida amalga oshirilayotgan ishlar holatini o‘rgandi.

Tekshiruv davomida Tibbiyot birlashmasida maishiy korrupsiyani oldini olish, aholiga malakali va sifatli tibbiy xizmat ko‘rsatish, sohada amalga oshirilayotgan islohotlar hamda raqamlashtirish jarayoni atroflicha ko‘rib chiqildi.

Xususan, “Reimbursatsiya” tizimi, “Elektron poliklinika” va “Elektron shifoxona” dasturlarining joriy qilinishi orqali tibbiyot muassasalari faoliyatida shaffoflikni ta’minlash hamda korrupsiyaviy holatlarni bartaraf etishda muhim ahamiyat kasb etishi ta’kidlandi.

O‘rganish yakunida mas’ul rahbarlarga tegishli tavsiyalar va manzilli ko‘rsatmalar berildi.