Muborak tumanida sog‘liqni saqlash yo‘nalishida navbatdagi muhim qadam tashlandi. “UNG Medline” klinikasida zamonaviy “Tuz g‘ori” davolash maskani o‘z faoliyatini boshladi.
Ushbu maskanning ochilish marosimida nuroniylar, shifokorlar va OAV xodimlari ishtirok etdi.
Maʼlumot o‘rnida, “Tuz g‘ori” terapiyasi, asosan, allergik kasalliklar, bronxit, astma, pnevmoniya, zob (bo‘qoq), har xil teri kasalliklari bilan og‘rigan bemorlar uchun samarali davolash usuli hisoblanadi.
Mutaxassislarning fikricha, bu usul inson organizmiga tabiiy yo‘l bilan ta’sir qilib, nafas yo‘llarini tozalaydi, immunitetni kuchaytiradi, organizmning umumiy sog‘lomlashishiga hissa qo‘shadi.
“UNG Medline” klinikasining ushbu tashabbusi zamirida aholiga sifatli va muqobil davolash xizmatlarini taklif etish, mavjud salomatlik muammolarini tabiiy yo‘llar bilan yengillashtirish maqsadi yotadi.
