Tadbirda tuman hokimi Sherzod Shokirov soha vakillarini kasb bayrami bilan tabriklar ekan, inson salomatligini asrash yo‘lida fidokorona xizmat qilayotgan barcha tibbiyot xodimlariga o‘z minnatdorchiligini bildirdi.

Shuningdek, tuman rahbari Prezidentimizning quyidagi so‘zlarini ham eslab o‘tdi:

Dunyodagi eng bebaho boylik, tengsiz ne’mat — bu inson sog‘lig‘idir. Uni asrash uchun shifokor nafaqat chuqur bilim va tajriba sohibi, balki yuksak aql-zakovat hamda olijanob qalb egasi bo‘lishi zarur.”

Tadbir davomida sohada o‘z mehnati va fidoyiligi bilan ajralib turgan tibbiyot xodimlariga faxriy yorliqlar hamda esdalik sovg‘alari topshirildi.

Bayram dasturi san’at ustalarining kuy va qo‘shiqlari bilan yanada ko‘tarinki ruhda davom etdi. Kuylangan qo‘shiqlar, samimiy tabriklar va ezgu tilaklar ishtirokchilarga bayramona kayfiyat ulashdi.